Afi Tóth mættur

Afi Eszterar lenti á Indlandi um miðnætti í nótt. Það var smá vesen að koma honum frá flugvellinum, þar sem bílstjórinn beið á vitlausum Terminal. András talar ekki orð í öðrum málum en ungversku, en var dreginn inn á leigubílastöð á flugvellinum þar sem hann gat hringt í okkur. Eftir þó nokkuð stapp við leigubílstjórana, sem voru búnir að semja um rúmlega tvöfalt taxtaverð fyrir að keyra hann þessa 3-4tíma leið til Pune, tókst okkur að fá upp úr þeim hvar þeir voru svo að bílstjórinn okkar gat sótt hann.

Hann var svo kominn hingað rétt eftir hálf fimm, og kominn á fætur rétt um tíuleytið, þrátt fyrir að hafa verið á ferðalagi í um sólarhring.

Athugasemdir

[FK (IP-tala skráð) 11.1.2009 kl. 14:04]

Flott hjá afanum ! Geri aðrir betur á níræðisaldri. Vona að hann njóti dvalarinnar á Indlandi. 

[Nexa, 13.1.2009 kl. 08:19]

Hæ

Rakst á athugasemd frá þér við annað blogg. Gaman að sjá að þið eruð að koma ykkur vel fyrir á Indlandi.

Sjálf náði ég að flýja skerið korteri fyrir bankahrun og er í Hollandi með kall og börn.

Gangi þér allt í hagi í Indlandi

Arna Hrund